Kryetari i bashkisë së Tiranës, i cili është edhe drejtuesi politik i PS për qarkun, ka denoncuar në një postim në rrjetet sociale, pengimin e numrimit të votave në Rrogozhinë nga përfaqësuesit e “Bashkë Fitojmë”. Ende nuk ka nisur proçesi i numërimit të votova edhe pse janë dorëzuar kutitë e votimit pranë KZAZ.
Postimi i Erion Veliajt
Dhe pse drejtues politik i PS për qarkun Tiranë, kam qëndruar larg terrenit e qendrave të votimit sot në Rrogozhinë për të evituar çdo keqkuptim e respektuar heshtjen zgjedhore!
Por tani që ka 4 orë që kutitë presin të numërohen, Saliu dhe salinjtë lokale duhet të sillen si të rritur, e të përballen me verdiktin e popullit të cilin e ftuan gjithë ditën të shprehet kundër të majtës, kundër zhvillimit e kundër perëndimit!
Shoku Sali – më mirë një fund i tmerrshëm, se një tmerr pafund! Sill numëruesit e vazhdo mbaj peng të tutë, por jo një qytet të tërë si një humbës idhnak toksik!
