Vdekja e dyshimtë e një multimilioneri australian ka ekspozuar edhe njëherë faktin se sa shumë është shtrirë mafia shqiptare. Troy Kellett, shef i një kompanie transporti, ra për vdekje nga një kontejner në portin Outer Harbor docklands në Adelaide mëngjesin e 9 korrikut.
Policia beson se vdekja e Kellett ishte një aksident, por nuk përjashtohen as dyshimet se mund të jetë vrarë qëllimisht.
Por gazeta ‘Sydney Morning Herald’ shkruan se mafia shqiptare mund të qëndrojë pas vdekjes së një Kellett.
Dyshohet se ai po kërkonte për një sasi droge, kur humbi jetën në mënyrë të dyshimtë. Gazeta australiane shkruan se agjencitë federale po hetojnë për një lidhje me mafian shqiptare. Sipas tyre, kjo mafie është e lidhur me një fluks në rritje të drogës në Australi.
Vdekja e 43-vjeçarit, erdhi pas zbulimeve që Kellett kishte shitur biznesin e tij të lidhur me bandat për 10 milionë dollarë, disa orë para se të ndërronte jetë.
“Ai u bë një multimilioner të premten dhe vdiq të dielën,” tha vëllai i Kellet.
Një mik i Kellett raportoi se ai kishte marrë një telefonatë urgjente për një kontejner transporti që do të transportohej nga Adelaide në Melburn.
Vdekja e tij ende ka mbetur mister, por hetimet po vijojnë për zbardhjen e saj.