Një 39-vjeçare në Turqi u rrëzua nga një shkëmb 30 metra dhe humbi jetën, teksa po festonte fejesën.
Ngjarja e rëndë ndodhi gjatë një pikniku që dyshja kishin organizuar në natyrë.
Çifti dëshironte të shijonte perëndimin e diellit, e për këtë arsye u ngjitën në një shpat mali. Kur i fejuari zbriti poshtë në makinë, papritur dëgjoi një ulërimë.
“Zgjodhëm këtë shpat për të pasur një kujtim romantik pas propozimit tim për martesë. Ne pimë alkool. Gjithçka ndodhi në një çast. Ajo humbi ekuilibrin dhe ra në humnerë”, tha mes lotësh i fejuari.