Deputeti i PS zbulon detaje nga mbledhja e Asamblesë, ja çfarë u diskutua

Deputeti i PS-së Lavdrim Krrashi ka dhënë detaje në lidhje me mbledhjen e Asamblesë së PS që u zhvillua pasditen e kësaj të mërkure. Në një intervistë për emisionin “Now”, ai theksoi se u morën në analizë zgjedhjet e 14 majit si dhe performanca e PS. “Asambleja është një organizim i brendshëm, ku u morën në analizë dy gjëra, leximi  i votës së shqiptarëve në datën 14 maj dhe përgjegjësia me të cilën e  kanë veshur PS  përfaqësuesit e saj. Lëvizjet që u bën sot nuk kanë të bëjnë me zgjedhjet e 14 majit. U mor në analizë performanca e PS, e cila nuk ka qenë në ato nivele që pritej. Gjiknuri është shkarkuar dhe sekretariati i PS-së”- tha ai.