Policia ka dhënë detaje të tjera në lidhje me goditjen e grupit, i cili ishte përfshirë në mashtrim kompjuterik. Nga 14 persona të hetim, 5 janë lënë në burg, 4 në arrest shtëpie si dhe pesë të tjerë janë shpallur në kërkim.
Ata mashtronin përmes telefonit shtetasit italianë dhe sipas hetimeve ky mashtrim kap vlerën e 4.7 milionë eurove.
Arrest në burg:
Hamit Dobi, Erion Kastrati, Aldo Pasku, Gjin Shelnishta, dhe Mojsi Zuna.
Arrest në shtëpi:
Greta Gjoci, Olta Toci, Rezarta Ibrahimi dhe Silvana Veliu.
Gjatë aksionit në terren janë sekuestruar pajisje të ndryshme kompjuterike, aparate celulare, USB dhe pajisje të tjera për prodhimin e bitcoin, të gjetura gjatë kontrolleve të ushtruara në disa banesa.
Në konferencën për mediat, prokurorët shqiptarë bashkë me specialistët Italianë thanë se hetimet e mashtrimeve online janë të vështira dhe për këtë arsye kërkuan bashkëpunim të vazhdueshëm për goditjen e këtij fenomeni mjaft të përhapur.
“Janë hetime të vështira, sepse kriptomondhena përdoret për të fshehur të ardhurat nga aktivitete e jashtëligjshme. Hetimet janë duke u zhvilluar”, tha përfaqësuesja e palës italiane.