Një çift nga Teksasi janë dënuar me 60 vjet burgim në një burg federal për sulme seksuale ndaj të paktën 25 fëmijëve, ndërsa janë konsideruar si “kriminelët më të këqij në historinë e Teksasit”.
Prindërit e pesë fëmijëve, Christopher Almaguer dhe Sarah Rashelle Almaguer, të dy 27 vjeç, u deklaruan fajtorë për një akuzë për shfrytëzimin seksual të fëmijëve dhe një akuzë për prodhimin e pornografisë së fëmijëve.
Vëllai i Christopher Almaguer, 25-vjeçari Paul Perez Jr, u dënua gjithashtu me 20 vjet burgim në një burg federal pasi u vetëdeklarua fajtor për dy akuza të marrjes së pornografisë së fëmijëve.
Gjykatësi i qarkut, Alan D Albright gjithashtu urdhëroi që secili prej të pandehurve të paguajë Fondin e Drejtësisë për Viktimat e Trafikimit me 10.000 dollarë dhe të vendoset nën mbikëqyrje për pjesën e mbetur të jetës së tyre pas kryerjes së dënimit.
“Për mua ky është rasti më i rëndësishëm që ne kemi ndjekur penalisht që kur u bëra avokati i SHBA”, tha avokati amerikan John F Bash.
“Almaguers ishin abuzues serial të fëmijëve. Ata abuzuan me 25 fëmijë që njihnin, nga lagjja, nga kisha… Natyra e abuzimit ishte e paimagjinueshme. Ata gjithashtu bënë video të torturës së fëmijëve dhe i shpërndanë ato. Këta janë dy nga kriminelët më të këqij në historinë e Teksasit”, shtoi ai.
Almaguers pranoi se në dhjetor 2017, ngarkuan videot seksualisht të qarta për veten e tyre, duke sulmuar seksualisht fëmijët deri në tetë muajsh.
Bash tha se Christopher përdhunoi një vajzë të mitur, ndërsa gruaja e tij i futi një stilolaps një vajze të mitur.
Perez pranoi se mori imazhe dhe video nga çifti që kryente abuzime seksuale tek fëmijët.
Sipas të dhënave të gjykatës, hetuesit ishin në gjendje të gjenin një listë me rreth 25 viktima potenciale fëmijë të mitur, të gjithë që vinin nga zona Qendrore e Teksasit. “Tribuna Waco” raporton se 13 prej viktimave janë identifikuar.