Deputeti socialist Erion Braçe ka folur për mungesat në shërbimet spitalore publike, marrë shkas nga rasti i aktorit të mirënjohur Genci Fuga, i cili iu nënshtrua një ndërhyrjeje kirurgjikale në tru.
Braçe thekson nevojën emergjente për modernizimin e sektorit publik, si dhe luftën ndaj monopolit dhe abuzimit me këtë pozitë në një sektor jetik.
Postimi i Braçes
E shihni që ka edhe “monopol të mirë”?!
Ky është qendrimi në media: Merruni me shtetin, lëreni monopolin, ka punën e tij.
Qe ne kete vend ka “monopole të mira”, kete na i kane mesuar autoritete ne detyre per t’i luftuar por qe shiten per nje rryshfet, institucione qe zgjasin apo replikojne modele te tilla monopoli; nuk eshte e re kjo;
Por qershia mbi tortë është media që duhet të jetë e pavarur, por që bëhet “mute” përballë një monopoli që paguan reklama apo të vë puron në gojë!
Sot lexova se monopoli ne tregun e sherbimeve private spitalore, ekzaminimeve dhe nderhyrjeve, qenka i mirë!
Natyrisht që ky lloj klientelizmi është i neveritshëm.
Po e ripostoj fjalen ne Komisionin e Ekonomise me kerkesen per Autoritetin e Konkurrencës, per te qene i qarte:
Nuk është as gabim e as krim, që shërbime shëndetësore t’i ofrojë privati.
Keq është kur kjo mundësi kthehet në monopol.
Shkelje ligji është abuzimi nga kjo pozitë-monopoli, me çmimet e këtyre shërbimeve.
Krim kthehet kur abuzimi sjell një çmim krejt të pajustifikuar por mundësuar nga monopoli, kushtëzuar me parapagim të shërbimit kur më e para është jeta, jo paraja.
E gjitha kjo ne nje treg qe sipas “deklarimeve te veta”-imagjinoni ato reale, po i kalon 300 milion ne vit, eshte shume, po shume fare!
Nderkohe, dje degjova se Qeveria vendosi te paguajë faturen e monopolit, per Genc Fugen; qe mbulon shpenzimet e nje njeriu ne urgjence mjekesore për jetën, eshte detyre e saj; por a mjafton?
Une them jo;
E para, duhet modernizuar shuuume me shpejt sektori publik; mirefinancuar me para qe gjithnje mungojne-por jo per te paguar Monopolin;
E dyta, duhet luftuar monopoli dhe abuzimi me kete pozite ne nje sektor jetik; paguaj ose vdis është far ëest, jo spital, qoftë edhe privat.