Një sherr mes dy personave ka ndodhur këtë të hënë në Vlorë. Dy persona janë konfliktuar me sende të rënda. Ende nuk dihen rrethanat e ngjarjes, por është shënuar një viktimë. Paraprakisht mësohet se viktima ka qenë ndërtues.
Ai është identifikuar si Armando Memshani, 55-vjeç, i cili ka gjetur vdekjen pasi është goditur me grusht. Sherri ka nisur në një lokal, ndërsa për shkak të sherrit personi që humbi jetën ka përplasur kokën në pllakat e lokalit dhe ka gjetur vdekjen e menjëhershme. Policia ka shoqëruar disa persona, por ka edhe kamera në lokalin ku ka ndodhur ngjarja për ta zbardhur.
“Vlorë/Informacion paraprak: Rreth orës 11:45, në lagjen “Hajro Çakërri”, në një qendër interneti, 2 shtetas janë konfliktuar me njëri-tjetrin dhe gjatë konfliktit shtetasi A. M., rreth 55 vjeç, për shkak të dhunës fizike (goditjeve me grushte), ka humbur jetën. Shërbimet e Policisë kanë shkuar menjëherë në vendngjarje. Nga veprimet e shpejta është bërë identifikimi i autorit dhe vijon puna për kapjen e tij. Grupi hetimor ndodhet në vendngjarje dhe vijon punën për sqarimin e plotë të rrethanave të këtij rasti.”