Për të gjithë emigrantët që kthehen në atdhe për të pushuar, sigurimi vullnetar është një mundësi e mirë për të plotësuar vitet e munguara të vjetërsisë me qëllim përfitimin e një pensioni më të lartë pleqërie, pension invaliditeti dhe familjar, sipas kontributit të paguar.
Autoritetet e sigurimeve shoqërore kanë konfirmuar edhe kufijtë dhe pagesat që duhet të bëhen për të blerë vitet e munguara të punës për efekt të plotësimit të kushteve të daljes në pension.
Sipas autoriteteve, rersonat që sigurohen për vitin korent kanë të drejtë të sigurohen deri në kufirin e pagës maksimale.
Ndërkohë që kuota mujore e sigurimit vullnetar aktualisht është 8,640 lekë, ndërsa për pagesat paradhënie, aplikohet zbritje në varësi të kohës kur kryhet pagesa.