Kombëtarja shqiptare e futbollit do të luajë në shtator dy ndeshje vendimtare për fatet e kualifikimit në kampionatin europian 2024.
Kuqezinjtë do të udhëtojnë në 7 shtator në Çeki, për të sfiduar kryesuesit e grupit E dhe 3 ditë më vonë në “Air Albania” do të presim Poloninë.
Gati 1 muaj përpara ndeshjes, për këtë përballje në “Air Albania” nuk ka më bileta të lira në dispozicion.
Federata Shqiptare e Futbollit i ka nxjerrë online biletat e kësaj ndeshjeje, dhe nga një vëzhgim në website e FSHF rezulton se tashmë vendet në stadium janë pothuajse “sold out”. Vetëm disa dhjetëra bileta kanë mbetur të lira në katet e sipërme të stadiumit.