Një konflikt i vjetër mes dy personave ka agravuar deri në përdorimin e armëve të ftohta dhe për pasojë Dritan Manjani 26-vjeçar ka humbur jetën. Ngjarja ka ndodhur në Homesh të Dibrës mbrëmjen e së hënës, ku i riu është goditur me kaçavidë dhe për pasojë ka humbur jetën në spital.
Autori Dorjan Mema është arrestuar nga uniformat blu dhe ndodhet në rajonin e policisë së Dibrës. Sipas informacioneve paraprake, ngjarja dyshohet se ka ndodhur pas një konflikti të vjetër, por ende nuk dihen të tjera detaje.
Policia dhe grupi hetimor po punon për të zbardhur dinamikën e ngjarjes.