Kryeministri Edi Rama i ka uruar ditëlindjen presidentit të 42-të të Shteteve të Bashkuara të Amerikës, Bill Clinton.
Kreu i qeverisë ka publikuar një fotografi të realizuar në vizitën e fundit që Clinton zhvilloi një muaj më parë në Shqipëri, teksa shfaqet duke mbajtur në duar një fanellë të Kombëtares Shqiptare të futbollit.
“Gëzuar ditëlindjen President”, shkruan Rama në gjuhën angleze.
Gjatë vizitës së tij në vendin tonë, Clinton u nderua me “Yllin e Mirënjohjes për Arritjet Publike”, çmimi më i lartë që jepet nga zyra e Kryeministrit.