Mbishkrimi “Rusët dhe serbët – vëllezër përgjithmonë” përshkruante flamujt serb dhe rus në disa ndërtesa në qendër të Moskës, duke përfshirë edhe atë të një kompanie kryesore mediatike në Rusi.
Po ashtu, kishte edhe mbishkrime të tjera që lexonin “Kur ushtria të kthehet në Kosovë”.
Përveç Moskës, mesazhe të tilla u shfaqën edhe në qytete të tjera si Shën Petersburg, Saratov apo Oryol.
Fushata të ngjashme u zhvilluan edhe në fillim të vitit, në përvjetorin e shpalljes së pavarësisë së Kosovës, kur u mbajt një protestë para ambasadës serbe në Moskë, ku protestuesit mbanin pankarta ku shkruhej “NATO është vrasësi i botës sllave”, apo “Kosova është Serbi”.