Vëllezërit Dhimitër dhe Mateo Dadushi, të cilët ishin shpallur prej disa ditësh në kërkim, janë vënë në prangat e Policisë së Pogradecit. Ata u konfliktuan mbrëmjen e datës 10 gusht me një tjetër person, për motive të dobëta. Konflikti agravoi dhe njëri prej tyre qëlloi me armë zjarri në ajër.
Ata ranë në gjurmët e policisë dhe u arrestuan mbrëmjen e sotme, ndërkohë që pritet të dalin para togave të zeza për t’u njohur me masën e sigurisë.