Deputeti i PS-së, Erion Braçe ka një ankesë për tregtarët në Tiranë, ku thotë po i dëmtojnë imazhin shalqirit të Divjakës. Ndërsa ka ndarë një video nga fushat e Divjakës me shalqinj, Braçe shkruan shumë njerëz i janë ankuar se kur blejnë shalqi në Tiranë shitësit i thonë që është marrë nga Divjaka.
Braçe thotë se shalqiri i Divjakës ka mbaruar, ndërsa me atë të Cermës e Sulzotajt po furnizohen hotelet vijës bregdetare. Në fund ai e mbyll postimin me një apel për tregtarët që të mos cenojnë imazhin e shalqirit të Divajkës.
“Ky është shalqini ynë, kjo madhësi e kjo cilësi. Më janë ankuar shume këto ditë, njerëz që blejnë shalqi në Tiranë; u thonë qe “është i Divjakës”! Në fakt nuk është as i Divjakës-ai ka mbaruar, as i Cermës e as i Sulzotajt-ai po shkon ne hotelet e gjithë vijës bregdetare. Dhe është ky që po shihni, kështu është shalqini ynë. Do ju lutesha shitësve në Tiranë, të mos dëmtojnë prodhimin tonë, të mos i cenojnë imazhin me çdo lloj shalqini të pjekur e të papjekur, nga çdo vend i Shqipërisë, që mbajnë në stenda”, shkruan Braçe.