Në konferencën e përjavshme me gazetrët, kreu i Rithemelimit, ka komentuar ndër të tjera edhe gjendjen shëndetësore të Fatos Nanos, të cilit i uroi shërim sa më të shpejtë.
“Komenti im është ky: me gjithë sinqeritetin e me zemër i uroj shërim të shpejtë dhe të plotë, ta kalojë këtë situatë, jo të lehtë dhe të rikthehet në familjen e tij. Nuk dua të shkoj më tej se po të shkoj do të dënoja, me ashpërsi më të madhe, fasadën e Jagos.
Nëse kishte një Jago, Rama ishte Jago i Fatos Nanos, dhe të të qajë Jagoja. Zoti është i madh nuk kam çfarë të them tjetër. Çfarë mirënjohje, ai? Vetëm mirënjohje që nuk ka ai njeri. I uroj të shkoj sa më shpejt në familjen e vet, sa më shpejt dhe sa më mirë. Nuk ka moment fatkeqësie që Edi Rama të mos e përdorë për qëllimet e veta”,-tha Berisha.