Kryeministri Edi Rama ka mirëpritur këtë të premte ministren e Jashtme të Kanadasë, Melanie Joly.
Kreu i qeverisë ka ndarë në “Facebook” edhe disa momente nga takimi në Kryeministri që zhvilluan gjatë ditës.
“Kënaqësi të mikprisja sot Ministren e Punëve të Jashtme të Kanadasë, Mélanie Joly”, shkruan Rama.
Marrëdhëniet politike dhe diplomatike Shqipëri-Kanada janë zhvilluar akoma më shumë gjatë këtyre viteve, me ndikim të drejtpërdrejtë në fuqizimin e bashkëpunimit në fusha të interesit të ndërsjellë. Të dy vendet ndajnë vlera të përbashkëta dhe si aleate në NATO janë të angazhuara për ruajtjen e paqes dhe sigurisë në nivel rajonal dhe ndërkombëtar.