Kryeministri Edi Rama pritet t’i dërgojë sot Presidentit të Republikës Bajram Begaj për të dekretuar ndryshimet në qeveri.
Një ditë më parë, Rama njoftoi 7 ndryshime në kabinetin e tij qeveritar. Emrat e 7 ministrave të rinj do të dërgohen sot në Presidencë për t’u dekretuar.
Me ndryshimet e reja, nga qeveria largohen Olta Xhaçka, Evis Kushi dhe Milva Ekonomi.
Ministër i Financave dhe Ekonomisë – Emërohet Ervin Mete; Largohet Delina Ibrahimaj
Ministër Shteti për Sipërmarrjen dhe Klimën e Biznesit – Emërohet Delina Ibrahimaj; Largohet Edona Bilali
Ministre e Shëndetit dhe Mirëqenies Sociale – Emërohet Albana Koçiu; Largohet Ogerta Manastirliu
Ministër i Arsimit dhe Sporti – Emërohet Ogerta Manastirliu; Largohet Evis Kushi
Ministër për Europën dhe Punët e Jashtme – Emërohet Igli Hasani; Largohet Olta Xhaçka.
Ministër i Bujqësisë dhe Zhvillimit – Emërohet Anila Denaj; Largohet Frida Krifca
Ministër i Pushtetit Vendor (Ministri e re): Emërohet Arbjan Mazniku
Ministria e Shtetit për Standardet dhe Shërbimet (Shkrihet) – Largohet Milva Ekonomi