Deputetja e Partisë Demokratike, Jorida Tabaku ka treguar se po merr pjesë në forumin global OGP në Estoni, ku u diskutua mbi luftën kundër korrupsionit.
”Sapo përfundova diskutimin në lidhje me rëndësinë e transparencës, llogaridhënies në luftën ndaj korrupsionit. Se si teknologjia dhe informacioni mund të përdoren në sisteme për të luftuar korrupsionin dhe jo në forma për të ndryshuar apo abuzuar me shqiptarët”,-thotë Tabaku në një postim në rrjete sociale.
Ajo thotë se duhet të kemi një sistem që e kthen luftën ndaj korrupsionit në prioritet kombëtar. Për të sot parlamenti dhe opozita mund të luajnë një rol shumë të rëndësishëm siç kanë luajtur dhe sot.
“Beteja kundër korrupsionit e gërshetuar në investime në fushën e teknologjisë dhe inovacionit mund ta përmirësojnë luftën kundër korrupsionit. Sot ndodhemi në një pikë kritike dhe kthese jo vetëm për pjesën e integrimit, por edhe për të ardhmen e Shqipërisë”,-thotë më tej.