Deputeti i PD-së Asllan Dogjani e ka konsideruar lajm të keq për kreun e qeverisë Edi Rama, takimin që ndodhi ditën e sotme mes dy palëve të PD-së.
Në një intervistë për emisionin “Now” në Euroneës Albania, ai theksoi se të bashkuar do të punojnë fort që të rrëzojnë Ramën nga qeveria.
“Qëllimi jonë është të rrëzojmë Ramën. Nuk po themi që jemi bashkuar, por ajo që ndodhi sot ishte një hap i madh. Demokratët e duan bashkimin sepse nuk e durojnë dot regjimin e Ramës. Po të ishte një opozitë e mirë do të kishte më pak ministra në burg dhe më pak vjedhje. Por këta nuk duan një opozitë sepse duan ta vjedhin Shqipërinë. Mbledhja sot është një lajm i keq për Ramën, të bashkuar ne do punojmë për ta rrëzuar”- tha ai.