Vrasja e Andonis Kariotis, 36-vjeçarit nga Kreta që e hodhën në det oficerët e anijes “Blue Horizon”, ka shkaktuar revoltë. Ai u përpoq të ngjitej në anije, pak sekonda pasi ajo u nis nga porti i Pireut, mbrëmjen e 5 shtatorit.
36-vjeçari ishte një njeri tepër i varfër, që bënte punë të vogla për mbijetesë, dhe kohët e fundit kishte humbur edhe nënën, mbështetjen e tij. Viktima ishte i njohur tek të gjithë banorët e Agios Nikolaos Lasithi në Kretë si një njeri tepër i dashur dhe punëtor, por edhe nga personeli i anijeve të linjës Kretë-Athinë.
Kjo ka vënë shumë pikëpyetje për sjelljen e egër kriminale nga oficerët e anijes ndaj 36-vjeçarit, si edhe njoftimin për pasagjerët, se “anija u vonua të niset nga porti i Pireut për shkak të një pengese të shkaktuar nga faktorë të jashtëm, pa lidhje me funksionim tonë”.
Ministra dhe vetë kryeministri Mitsotakis, e kanë konsideruar një krim monstruoz. Janë mbajtur protesta paqësore janë kryer në Pire, Selanik dhe Kretë, ndërsa vijon të jetë në vijën e parë të lajmeve dhe interesit publik, pavarësisht situatës emergjente që shkaktoi fenomeni “Daniel”.