Numri i viktimave nga stuhia shkatërruese “Daniel” në Greqi tashmë ka shkuar në 10.
Ministri grek i Krizave Klimatike dhe Mbrojtjes Civile, Vassilis Kikilias bëri me dije se katër persona të tjerë rezultojnë të zhdukur, ndërsa operacionet e shpëtimit vijojnë pa pushim në pjesë të ndryshme të zonave të prekura.
“Ne kemi nevojë për vëmendje të madhe nga të gjithë, pasi fenomenet e përmbytjeve mund të intensifikohen në çdo moment”, tha ministri.