Ky nuk është saktësisht një fenomen, por një anomali që shumë vajza mund ta kenë përjetuar të paktën një herë të vetme në jetë.
Sa herë që dëgjoni fjalën cikël menstrual, gjëja e parë që ju vjen në mend janë dhimbjet e atyre ditëve, nervozizmi, dëshira për të ngrënë gjithçka që ju del përpara etj, por rrallëherë pranoni se cikli menstrual është shenjë e një organizmi femëror të shëndetshëm.
Nëse cikli juajl është i rregullt dhe ndodh çdo 21 ditë, mos u shqetësoni pasi gjithçka po ecën si duhet. Mirëpo a është normale që t’ju vijnë periodat dy herë në javë?
Në fakt ky nuk është saktësisht një fenomen, por një anomali që shumë vajza mund ta kenë përjetuar të paktën një herë të vetme në jetë. Dhe, sigurisht që ka vend për shqetësim, por përpara se të drejtoheni tek specialisti, hidhuni një sy katër shkaqeve të mundshme që çojnë në të pasurit e dy cikleve menstruale brenda muajit.
Mosha e re
Ciklet menstruale të parregullta janë të zakonshme tek vajzat e reja që sapo kanë filluar të kenë perioda. Njerëzit kanë tendencë që të kenë cikle menstruale më të shkurtra ose ndonjëherë më të gjata gjatë pubertetit, gjë që mund të çojë në dy perioda në një muaj.
Nivelet e hormoneve luhaten ndjeshëm gjatë pubertetit. Hulumtimet sugjerojnë se cikli menstrual i një të riu mund të zgjasë rreth gjashtë vjet për t’u bërë i rregullt që nga koha kur fillon të ketë cikël për herë të parë.
Endometrioza
Kjo është një gjendje ku indet që janë të ngjashme me ato të mitrës rriten në zona të tjera të trupit. Endometrioza mund të shkaktojë dhimbje abdominale dhe gjakderdhje të parregullt. Ndonjëherë, gjakderdhja mund të jetë mjaft e rëndë. Një mjek mund të diagnostikojë endometriozën duke përdorur një provë pelvike dhe ultratinguj. Megjithatë, një operacion i vogël i quajtur laparoskopia është mënyra e vetme përfundimtare për të diagnostikuar gjendjen.
Perimenopauza
Kjo i referohet viteve që çojnë në menopauzë kur hormonet e një personi fillojnë të ndryshojnë. Perimenopauza mund të zgjasë deri në 10 vjet. Gjatë kësaj kohe, njerëzit shpesh përjetojnë cikle menstruale të parregullta, duke përfshirë cikle më të shkurtra ose më të gjata, duke lënë mënjanë perioda ose duke përjetuar gjakderdhje më të rëndë ose më të lehtë.
Problemet me tiroiden
Tiroidi është një rregullator i proceseve hormonale në trup. Kjo gjëndër e vogël në formë fluture është e pozicionuar para fytit dhe kontrollon funksione, të tilla si temperatura e trupit dhe metabolizmi. Çrregullimet menstruale janë një simptomë e zakonshme e lidhur me problemet e tiroides. Sipas Departamentit Amerikan të Shëndetit dhe Shërbimeve Njerëzore, rreth një në tetë gra përjeton probleme tiroideje gjatë jetës.