Ish-kryeministri Sali Berisha ka reaguar për tërmetin që u regjistrua këtë të shtunë në Marok.
Me anë të një statusi në rrjetet sociale, Berisha solidarizohet me të prekurit nga tërmeti dhe familjarët e viktimave.
“Tërmet i fuqishëm me magnitudë 6.8 ballë godet Marrakeshin, në Marokun qendror.
Të dashur miq,
njoftohet deri tani se numërohen mbi 800 viktima, mijëra të plagosur dhe shtëpi e objekte të dëmtuara.
Duke shprehur dhimbjen, solidaritetin njerëzor dhe ngushëllimet më të ndjera familjeve të viktimave dhe autoriteteve të vendit, le të lutemi së bashku për shpëtimin e atyre që janë gjallë nën rrënoja dhe t’i urojmë shërim të shpejt e të plot të plagosurve. #sb”