Qyteti italian i Venecias pritet të miratojë detyrimin e një tarife prej 5 euro (4,30 paund; 5,35 dollarë) për vizitorët ditorë, në një përpjekje për të kontrolluar turizmin. Të gjithë vizitorët mbi 14 vjeç do të duhet të paguajnë tarifën dhe të rezervojnë hyrjen e tyre në qytet paraprakisht.
Anëtarja e këshillit bashkiak për turizmin Simone Venturini thotë se prova do të zhvillohet gjatë periudhave të pikut turistik vitin e ardhshëm. “Venecia është ndër qytetet europiane më të vizituara… [dhe kështu] vuan më shumë nga turizmi i tepërt,” tha ai.
Mbi-turizmi njihet gjerësisht si një çështje urgjente për Venedikun. Qyteti është vetëm 7.6 km katror (2.7 milje katrorë) në madhësi, por ai priti pothuajse 13 milionë turistë në vitin 2019, sipas institutit kombëtar të statistikave italiane. Numri i vizitorëve pritet të tejkalojë nivelet para pandemisë në vitet e ardhshme.
Në fillim të këtij viti, UNESCO tha se qyteti duhet të shtohet në listën e vendeve të trashëgimisë botërore në rrezik, pasi ndikimi i ndryshimit të klimës dhe turizmit masiv kërcënojnë të shkaktojnë ndryshime të pakthyeshme në të.
Në vitin 2021, anijet e mëdha të lundrimit u ndaluan të hynin në qendrën historike të Venecias përmes kanalit Giudecca pasi një anije u përplas në një port. Kritikët kishin argumentuar gjithashtu se anijet po shkaktonin ndotje dhe po gërryenin themelet e qytetit, i cili vuan nga përmbytjet e rregullta.
Megjithatë, nuk është e qartë nëse plani për të vendosur një tarifë ditore do të pengojë turistët. Gjithnjë e më shumë banorë në Venecia po zgjedhin të largohen, pasi turistët kërcënojnë të pushtojnë qytetin historik ishull.
Shoqatat e qytetarëve Ocio dhe Venissa kanë nisur studimet për të monitoruar numrin e shtretërve për turistët dhe numrin e shtretërve për banorët në qytet. Sipas përditësimit më të fundit, ndërsa ka 49,693 shtretër për turistët, janë 49,308 për banorët – që do të thotë se shtretërit për turistët i kalojnë shtretërit për banorët.