I Ngarkuari me Punë i BE-së në Tiranë, ambasadori Luigi Soreca tha se Censusi i popullsisë dhe banesave, që pritet të nisi më 18 shtator, është me rëndësi që të jap informacione të besueshme. Për të mundësuar një Census sipas standardeve të familjes së madhe Europiane, BE ka dhënë në formë Granti për Institutin Kombëtarë të Statistikave 4.8 milionë euro.
“Është një nder dhe privilegj për mua të jem sërish në Shqipëri në këtë moment kaq të veçantë për vendin, që është në procesin e anëtarësimit dhe në një moment të rëndësishëm për zgjerimin e BE. Presidentja Von Der Leyen sapo mbylli para pak minutash fjalën e saj në Parlamentin Europianë për sa i përket gjendjes së BE.
Ajo e bëri shumë të qartë se sa i rëndësishëm është ky moment, sesi BE nuk ka nevojë të ndryshojë traktatin me qëllim që të zgjerohet dhe tani është momenti që të merren në konsideratë dhe të shihen ato vende, zona, ku vendet kandidate janë në rrugën e anëtarësimit të plotë”, theksoi Soreca.