Policia e Elbasanit ka arrestuar një 31-vjeçar, pasi hapi 8 llogari false në rrjetet sociale duke përdorur emra të personave të tjerë. Në kuadër të operacionit policor të koduar ‘Kredencialet’, ua arrestuar A. T., 31 vjeç, banues në fshatin Shijon, Elbasan.
Sipas policisë rezultoi se 31-vjeçari, gjatë periudhës tetor 2022-shtator 2023, ka krijuar 8 llogari false, duke përdorur në kundërshtim me ligjin, të dhëna të shtetasve të tjerë.
Gjatë kontrollit në banesën e e tij, policia sekuestroi me cilësinë e provës materiale, 2 celularë nëpërmjet të cilëve ky shtetas menaxhonte llogaritë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.