Ledri Vula është një ndër reperët më të mirë shqiptarë dhe padiskutim shumë i suksesshëm. Ai i ka dhuruar publikut tonë shumë hite ndër vite, hite të cilat i dëgjojmë në të gjitha ambientet. Mirëpo siç duket Ledri është lodhur dhe ka marrë një vendim shumë të rëndësishëm.
“Prive” ka zbuluar se së fundmi, reperi i ka anulluar të gjitha koncertet. Këtë lajm e ka konfirmuar edhe vetë menaxheri i Ledrit, Faton Shoshi. Megjithatë, ende nuk është bërë e ditur arsyeja që e detyroi reperin të heqë dorë nga koncertet e tij. Nuk e dimë nëse reperi po punon me ndonjë projekt muzikor apo thjesht dëshiron të pushojë, por gjithsesi këtë mbetet ta zbulojmë në vijim.