Ndoshta vera që na kaloi ka qenë e mbushur me dasma të njohurish dhe miqsh, megjithatë, duhet të pranojmë se po kaq të shumta kanë qenë edhe ndarjet e njerëzve të afërt apo edhe të çifteve të njohura për të cilat kemi dëgjuar. Sigurisht, pse një lidhje përfundon varet nga shumë faktorë, por siç dëshmohet nga hulumtimet përkatëse, edhe celularët luajnë një rol.
Kudo,do të shihni çifte duke pirë kafen, duke shkuar për shëtitje, duke parë një film dhe të paktën njëri nga të dy po shikon me përkushtim ekranin e telefonit të tij. Sado normal të na duket ky imazh, ndikimi që ka në marrëdhëniet njerëzore është një dhe është real: partnerit tonë nuk i kushtohet vëmendja e duhur.
Disa studime të kryera në Amerikën e Veriut tregojnë se shpërqendrimi i shkaktuar nga telefonat celularë mund të shkaktojë probleme emocionale dhe veçanërisht probleme mes çifteve.
Instituti për Studime Familjare (IFS) publikoi një studim mbi këtë temë, i cili tregoi se 40% e njerëzve, partnerët e të cilëve përdorin celularët e tyre pa ndërprerje, janë të pakënaqur në marrëdhënien e tyre. Në mënyrë të ngjashme, 26% jetojnë me frikën se martesa e tyre do të përfundojë me divorc.
Pra, nëse jeni martuar për një dekadë ose sapo keni hyrë në një lidhje, gjëja më e mirë për të bërë kur jeni me burrin tuaj është të jeni vërtet me të. Shpirtërisht, fizikisht, mendërisht. Njoftimet në celularin tuaj do të qëndrojnë pa përgjigje, edhe pak, mos u shqetësoni.