Kreshnik Spahiu, duke folur për situatën politike në vend u shpreh se në Shqipëri nuk ka një opozitë të vërtetë. Sipas tij, kreu i Partisë së Lirisë, Ilir Meta është peng i kryeministrit Rama për shkak të dosjeve në sistemin e drejtësisë.
Gjatë një interviste për gazetën “SOT”, juristi theksoi se Rama ka një ndikim tangent mbi organet e drejtësisë, duke i mbajtur peng liderët e opozitës, ndërsa shtoi se mazhoranca rrëzohet vetëm nëse lind një opozitë e re, ose nëse ka çarje brenda Partisë Socialiste.
Spahiu tha se niveli i opozitës ka rënë shumë poshtë dhe këtë e kupton që në momentin që Gazment Bardhi rezulton një figurë e përshtatshme për t’u bërë kryeministër.