Princi i kurorës saudite, Mohammed bin Salman ka konfirmuar se vendi i tij do të pajiset me arsenal bërthamor nëse Irani pajiset gjithashtu me një të tillë, duke hedhur dyshime mbi një marrëveshje të mundshme të bashkëpunimit bërthamor SHBA-Arabi që po negociohet.
Në një intervistë të mërkurën, Mohammed bin Salman shtoi peshën e dyshimeve se një program bërthamor në dukje civil mund të devijohej për qëllime ushtarake nëse Arabia Saudite ndihej nën kërcënim.
I pyetur nga Fox News në lidhje me perspektivën e një bombe bërthamore iraniane, princi i kurorës tha “ne jemi të shqetësuar që ndonjë vend të ketë një armë bërthamore”, duke shtuar se nëse Irani do të zhvillonte me sukses një armë Arabia duhet po ashtu të pajiset.