Kryepeshkopi i Shqipërisë, Anastasi, në emisionin “Historië të Skai Tv me gazetarin Aleksi Papahela, më 19.12.2017, ku flet, midis të tjerave edhe për pasardhësin e tij.
Gazetari: Pra të përpiqemi ta kuptojmë pak, Ju, po thoni se shumica e grigjës suaj në Shqipëri nuk janë greke.
Kryepeshkopi: Po.
Gazetari: Kjo çfarë do të thotë, që nëse Ju, në një moment të caktuar largoheni, pasardhësi juaj do të jetë një shqiptar?
Kryepeshkopi: Sigurisht, kjo është e natyrshme. Tashmë unë jam atje prej shumë vitesh. Apo jo? Degjoni: nuk kemi guxim të vëmë veten në vendin e të tjerëve. Unë për shkak se kam që në vitin 1963 që ndodhem në ambiente ndërkombëtare, kam mësuar ta respektoj tjetrin, siç është. të mendoj se çila është e drejta sipas tij, cilat janë të drejtat e tij.
Do mund të mendonit se nëse ne, (grekët) do të ndodheshim në të njëjtat kushte, do të pranonim për kaq shumë vite, dikë nga Bullgaria apo Serbia që të jetë Kryepiskop…? Jo, unë e quaj të vetëkuptueshme dhe të natyrshme këtë gjë. Atje nuk shkuam të krijonim një koloni. Shkuam të rindërtojmë Kishën Orthodhokse Autoqefale të Shqipërisë. Ka njerëz që mendojnë se atje është si një nga Kryepiskopatat si psh ajo e Kretës apo diku tjetër, që varen nga Patriarkana Ekumenike. Nuk është kështu. Një prej 14 kishave autoqefale është edhe Shqipëria dhe pas saj vjen Çekia dhe Sllovakia. Pra, kisha e Shqipërisë ka një rol, brenda Orthodhokse botërore.