Është shfaqur për herë të parë pas 5 vitesh, lideri i të ashtuquajtur shteti islamik ISIS, Abu Beker al-Baghdadi.
Lideri i ISIS është shfaqur në një video të lëshuar nga krahu i propagandës së këtij grupi ekstremist.
Abu Bakr al-Baghdadi shfaqet me një mjekër gri dhe të kuqe, i veshur me një mantel të zi me një jelek ngjyrë bezhë dhe të ulur në dysheme, me atë që duket të jetë një mitraloz i mbështetur pranë tij.
Lideri ishte shfaqur për herë të fundit në 2014, në një video ku shihej duke mbajtur një predikim në xhaminë Al-Nuri në Mosul të Irakut.