Një talent argjentinas për Juventusin. Emri i tij është Matìas Soulè dhe ka lindur më 15 prill 2003. Luan te Velez Sarsfield dhe ndoshta është hera e fundit që luan në vendlindje.
Sipas të përditshmes “Olè” agjenti i tij, Martin Guastadisegno është tashmë në Itali për të sjellë ndoshta edhe fundin e operacionit. Koha dhe durimi do të jenë të nevojshme, më shumë se paratë, sepse situata është shumë e komplikuar dhe historia është e gjitha për tu treguar.
Dhjetë ditë më parë, Velez i ofroi një kontratë të re, por babai i tij e refuzoi këtë ofertë. Ai informoi drejtorin e shkollës së mesme që djali e tij nuk do të ndjek më studimet e tij dhe u strehuan në Mar del Plata, në qytetin ku ai lindi dhe ku banon pjesa tjetër e familjes.
Babai i Soulè e ka njoftuar Velezin që ai mund ta çojë djalin në Itali duke ushtruar atë që në Argjentinë e quajnë “patria potestad”, që është autoriteti prindëror. Në këtë rast, Soulè nuk do të sillte asnjë qindarkë në arkat e Velesit, siç ndodhi në 2016, kur një tjetër talent, Benjamin Garrè shkoi falas te Manchester City.
Guastadisegno, prokurori që po kryen këtë operacion, në ditët e fundit ka bërë të qartë se djaloshi, pasi kundërshtoi ofertën kontraktuale të Velesit, ka marrë kërcënime të rënda përmes rrjeteve sociale.
Pikërisht për këtë arsye, para se të nisej për në Mar del Plata, ai u fsheh dhe nuk dilte për shkak se ishte i frikësuar.