Një media boshnjake, Istraga.ba shkruan se nënkryetari i Listës Serbe, Milan Radojiçiç është një nga të plagosurit e sulmit terrorist në Kosovë.
Gazetarët kanë tentuar ta kontaktojnë, por ky i fundit nuk është përgjigjur. Ka qenë dikush tjetër që iu është përgjigjur thirrjeve duke thënë se Radojiçiç është mirë, por nuk ndodhet aty për momentin.
Sipas informacioneve ai ndodhet në Serbi dhe po mjekohet. Ka dyshime të arsyeshme se nënkryetari i Listës Serbe ka qenë i përfshirë në sulmin terrorist në veri të Kosovës.
Në ngjarjen e djeshme është vrarë një pjesëtar i Policisë së Kosovës ndërsa një tjetër është plagosur.