Ministri i Brendshëm, Taulant Balla, ka dërguar një mesazh ngushëllimi për ndarjen nga jeta të Presidentit të Nderit të Republikës Italiane, Giorgio Napolitano.
Në mesazhin e dërguar prej tij, Balla e ka konsideruar Presidentin Napolitano si një burrë shteti. Sipas Ballës, Napolitano ishte një personalitet i padiskutueshëm në skenën politike.
“Me largimin nga jeta të Presidentit të Nderit të Republikës Italiane, Giorgio Napolitano, Italia ka humbur një personalitet të padiskutueshëm në skenën politike, ndërsa Shqipëria një mik dhe avokat të madh të aspiratave të saj evropiane. Një burrë Shteti në të gjitha funksionet e tij si deputet, ministër i Brendshëm dhe President i Republikës. Ngushëllimet e mia më të thella familjes dhe popullit italian. U prehsh në paqe President!”, është mesazhi i Ballës.