Një universitet në Irlandë është bërë i pari në botë që hap një degë të re, për … influencer në rrjetet sociale.
Universiteti Teknik Juglindor (SETU) në Carlow do të ofrojë kualifikimin bachelor trevjeçar të arteve në krijimin e përmbajtjes dhe mediat sociale nga shtatori i vitit 2024.
Aplikimet për degën, që do të mbulojë aftësitë në biznes, redaktimi video dhe audio, shkrimi krijues dhe aftësitë kritike dhe kulturore, do të hapen në muajin nëntor të këtij viti.
Dr Eleanor O’Leary, një pedagoge për media dhe komunikim në universitet, tha për RTÉ se interesi ishte i lartë.
“Ne pamë se kishte një interes në rritje në këtë fushë si nga studentët dhe të rinjtë, ashtu edhe nga punëdhënësit. Kështu që ne vijuam me zhvillimin e diplomës në këtë fushë”, tha ajo.
Lektorja tha se ky sektor ka pësuar një dyfishim nga viti 2019 dhe tani kap vlerën nga 14 miliardë në 16 miliardë euro në mbarë botën.
Dr O’Leary tha se mundësitë e punësimit variojnë nga vetëpunësimi, bashkëpunimet me markat, deri te puna për një kompani.
“Është një fushë që ka një grup të caktuar aftësish”, shtoi ajo.
“Kjo fushë bazohet në median ekzistuese dhe aftësitë e PR dhe marketingut, por është gjithashtu një fushë e re në vetvete”.
“Ne duam të sigurohemi që studentët do të jenë plotësisht të punësueshëm kur të përfundojnë”, tha O’Leary tha për The Times.