Deputetja e PD-së, Jorida Tabaku, duke iu referuar Indeksit Global të Krimit të Organizuar 2023, nënvizon se Shqipëria vijon të ketë të njëjtat problematika me krimin si në vitet e shkuara. Sipas Tabakut, Raporti Global i Krimit të Organizuar 2023, vë në dukje se problemet në Shqipëri, vijojnë të jenë trafiku qenieve njerëzore, trafikimi i narkotikëve etj.
“Shqipëria ka shënuar një tjetër rekord negativ në Indeksin e Krimit me probleme që vazhdojnë të mbeten trafiku qenieve njerëzore; krimi organizuar; vend transit për drogën; influencat kriminale në politikë. Në pak fjalë, të njëjtat probleme si për çdo vit!”, thekson Tabaku.
Ajo bën thirrje që të punohet realisht për zgjidhjen e këtyre problemeve. “A mund të fokusohemi jo në numërimin e tyre, por si mund t’i zgjidhim? Të mos bëjmë sikur punojmë për të përmbushur kriteret e BE, por të punojmë për të përmirësuar realisht situatën për qytetarët? Kjo do qe realisht rruga e duhur për të ndërtuar një Shqipëri për qytetarët”, nënvizon Tabaku.