Ylli i Hollywood, Angelina Jolie foli për divorcin e saj të bujshme nga Brad Pitt dhe pasojat që shkaktoi kjo ndarje.
“Isha 26 vjeçe kur u bëra nënë. E gjithë jeta ime ndryshoi. Të kem fëmijë ishte ajo që më shpëtoi dhe më mësoi të jem në këtë botë në një mënyrë tjetër”, tha ajo për “Vogue”.
Siç shpjegoi më pas, nëse nuk do të ishin fëmijët e saj, shumëçka mund të kishte ndryshuar për të, veçanërisht pas divorcit nga Pitt.
“Mendoj se kohët e fundit do të isha tërhequr, në një mënyrë shumë të errët, nëse nuk do të ishin fëmijët e mi, nuk do të doja të jetoja.”
“Unë ende po e kuptoj se kush jam, në moshën 48-vjeçare. Mendoj se si person jam në tranzicion. Nuk jam ndjerë si vetvetja për një dekadë.”