Klodiana Vefa u ekzekutua me plumb në kokë mbrëmjen e 28 shtatorit në mes të rrugës nga një person mashkull dhe policia dyshon se vrasja është kryer nga ish-bashkëshorti i saj.
“Ishte një vajzë shumë punëtore. Kishte disa vjet që ishte ndarë nga bashkëshorti, një person i dhunshëm. E dinim të gjithë. pati kurajo ta linte”,-tregon mikja e Vefës, 35 vjeçares e cila kishte kohë që jetonte në Castelfiorentino, provincë e Firenzes.
“Ai ushtronte një dhunë të fortë psikologjike, ajo ishte gjithmonë solare dhe e buzëqeshur por kur ishte me të ndryshonte totalisht. Ai burrë të frikësonte. Por ajo kurrë nuk e kishte denoncuar. Rezistoi gjatë. Nuk e di pse e pranoi atë takimin e fundit. Nuk duhet ta bëni kurrë këtë”, nënvizon ajo. “Burri kishte nisur një jetë të re për vete, kishte një grua tjetër. Nuk e kuptoj se çfarë e shtyu në atë gjest. Ishte një ekzekutim”,-tha më tej ajo. Klodiana Vefa ishte nënë e 2 fëmijëve, 14 dhe 17 vjeç.