Një aksident automobilistik është regjistruar pasditen e kësaj të premteje në Babunjë të Divjakës.
Burime bëjnë me dije se drejtuesi i një mjeti ka humbur kontrollin mbi drejtimin e mjetit të tij dhe ka përfunduar në kanalin vaditës në Babunjë. Mësohet se makina drejtohej nga një efektiv policie, më konkretisht shtetasi G.Rrahmanaj, 56 vjeç.
Ky i fundit ka mbetur i plagosur dhe po merr mjekim më të specializuar në spitalin e Lushnjes. Dyshohet se shkak për aksidentin është bërë shpejtësia dhe lagështia në rrugë e për pasojë makina ka përfunduar në kanal.
Grupi hetimor po punon për zbardhjen e plotë të ngjarjes.