Në raportin e OSBE-ODIHR për zgjedhjet vendore të 14 majit në Shqipëri theksohet se organet e zbatimit të ligjit duhet të bëjnë të gjitha përpjekjet për të identifikuar dhe hetuar në mënyrë të pavarur të gjitha akuzat për shkelje zgjedhore.
Ndonëse i cilësoi ato si konkuruese dhe të administruara mirë, në raport ngrihen dy shqetësime, keqpërdorimi i burimeve shteterore dhe fenomeni i shitblerjes se votës.
OSBE-ja kërkon nga autoritetet shqiptare po ashtu zbatimin e masave mbrojtëse efektive që garantojnë fshehtësinë e votës dhe parandalimin e frikësimit të votuesve, votimit në grup dhe votimit me përfaqësues.
Ndër shqetësimet e ekspertëve të ODIHR ishin veprimet e qeverisë 4 muaj para zgjedhjeve, duke kritikuar kryekomisionerin Ilirjan Celibashi për interpretimin që i bëri Kodit Zgjedhor.
“Megjithese autoritetet nuk mund te propozojne, te miratojne ose te nxjerrin vendime qe parashikojne perfitime kater muaj para dites se zgjedhjeve, pati aktivitete te shumta, si nga qeveria qendrore, ashtu edhe nga administratat e ndryshme vendore, qe rane ndesh me kete rregull. Interpretimi i ngushte dhe formal nga Komisioneri se kjo dispozite zbatohej vetem per zgjedhjet parlamentare, duke reflektuar me shume germen dhe jo frymen e ligjit, nuk garantoi nje nivel fusheloje.”