Partia Socialiste ka propozuar hartimin dhe miratimin e një rezolute, që dënon sulmin terrorist ndaj Policisë së Kosovës, në Banjskë të Zveçanit. Propozimi i mazhorancës do të diskutohet të mërkurën në Konferencën e Kryetarëve.
Seanca plenare e kësaj të henë nisi me po të njëjtën çështje, ku Kuvendi i Shqipërisë mbajti një minutë heshtje në nder të rreshterit të vrarë nga sulmet në veri të Kosovës. Shqipëria ka shprehur qartë pozicionimin e saj krah Kosovës, ndërsa ka dënuar sulmin terrorist dhe qëndrimin e Beogradit, duke e konsideruar si të papranueshme shpalljen e zisë kombëtare për terroristët e vrarë.