Gjovalin Guri thotë se nuk është ai autori i vrasjes së xhaxhait Zef Guri dhe plagosjes së djalit të viktimës, Gjin Guri. Nga arratia, ai rrëfen për ”News 24” se në momentin kur ka ndodhur vrasja ka qenë në një shtëpi i fshehur ndërsa ngjarjen e ka marrë vesh përmes një telefonate. Ngjarja kriminale ndodhi në aksin Shosh-Kir në Dukagjin më 27 shtator
Policia e Shkodrës tha se Gjovalin Guri është i dyshuar kryesor për shkak të një konflikti me djalin e xhaxhait për shfrytëzimin e një hapësire pyjore. I dyshuari mohon këto akuza duke thënë se prej 12 vitesh nuk merret më me shfrytëzimin e pyllit. Para dy vitesh Gjovalin Guri u akuzua për kultivimin kanabisi, por edhe për ato akuza thotë se është i pafajshëm. Prej asokohe vijon që të jetë në kërkim nga policia.
I dyshuari ka vetëm një kërkesë për shtetin shqiptar që të bëhet drejtësi dhe të hiqen akuzat ndaj tij sepse pretendon se është i pafajshëm qoftë për vrasjen por edhe për kanabisin ndërsa rrëfen edhe jetën e vështirë në arrati prej dy vitesh. 40-vjeçari bën apel që policia të gjejë autorët e vërtetë.