Momente tensioni dhe përplasjesh fizike me policinë kanë shoqëruar protestën e studentëve italianë kundër Giorgia Melonit, në pritje të mbërritjes së kësaj të fundit në qytet për konferencën Shtet-Rajone.
Mediat italiane raportojnë se studentët u mblodhën para Palazzo Nuovo për të protestuar kundër rritjes së çmimit të qirave dhe njëkohësisht kundër pjesëmarrjes së kryeministres Giorgia Meloni, në Festivalin e Rajonit.
Synimi i protestuesve ishte të arrinin te Teatri Carignano, ku Giorgia Meloni do të mbante një fjalim në orën 12:00, teksa marshonin me pankarta në duar dhe brohorisnin thirrje kundër Melonit.
“Ky është qyteti ynë, le të kalojmë”, thërrasin studentët.
“Meloni, nuk je i mirëpritur në Torino” shkruhej në një pankartë të shtrirë ende përtokë përballë Palazzo Nuovo, ku studentët kanë ngritur tenda për të protestuar kundër qirave të larta të studentëve.