Kreu i PD-së së vulës, Lulzim Basha sot u pa ndryshe në Kuvend, ku pati përplasje verbale me grupin Bardhi-Berisha, ku edhe jashtë Kuvendit iu është përgjigjur sërish akuzave të Gazment Bardhit.
Në sallën e Kuvendit, Bardhi tha se kreu i PD ka përfituar dy kate në një kullë shumë të shtrenjtë në Tiranë Basha i cilësoi si shpifje, që vijnë nga ai që tashmë e quajti si avokat të babait të Shkëlzen Berishës, që deri e dje e sulmonte. Sa i takon akuzave, Basha u shpreh se familjarët e tij kanë transparent çdo transaksion.
“Është një shpifje e pastër e shkollës berishiste, vjen nga një njeri që dje sulmonte babin e zenit dhe sot është bërë avokati i babait të zenit dhe aleancës së kullave. Familjarët e mi çdo transaksion e kanë transparent ndryshe nga aleanca e kullave dhe avokati tyre i ri Gaz Bardhi”, tha Basha.