Samiti në Spanjë, presidentja Osmani: Nuk do takohem me Vuçiçin pa iu vendosur sanksionet

Presidentja e Kosovës, Vjosa Osmani, ndodhet në Spanjë për Samitin e Liderëve Evropianë. Nga Granada, Presidentja dha dhënë një prononcim të shkurtër përpara mediave. Ajo ka deklaruar se së pari Serbisë duhet t’i vihen sanksione, e më pas mund të ketë takim për dialog. “Ajo çfarë ka ndodhur më 24 shtator ka ndodhur me urdhrin e lidershipit të Serbisë. Shpresoj që Spanja do të kuptojë se mbështetja e një agresori, për të cilin ka prova të qarta nga 24 shtatori, nuk do të ndihmojë paqen dhe stabilitetin. Nuk ka arsye për ta takuar para se sanksionet të miratohen kundër Vuçiqit. Së pari sanksionet e më pas mund të flasim për të tjerat”,-deklaroi Osmani.