Tetori rozë ka një mesazh të rëndësishëm, të ndërgjegjësohemi për kancerin e gjirit. Një mesazh të veçantë ka dhënë edhe ish-zonja e parë e Francës, Carla Bruni, e cila ka zbuluar se ka kaluar kancer gjiri.
“Katër vjet më parë u diagnostikova me kancer gjiri. Kirurgjia, terapia me rrezatim, terapia hormonale, ndoqa rrugën e zakonshme për të kuruar këtë lloj tumori. Por unë isha me fat: kanceri im nuk ishte ende agresiv. Pse ky kancer nuk ishte agresiv? Thjesht, sepse nuk ka pasur kohë të bëhet i tillë… Në fakt çdo vit, në të njëjtën datë, bëj mamografi. Nëse nuk do ta kisha bërë këtë mamografi çdo vit, sot nuk do ta kisha më gjoksin e majtë…
Nëse e bëj këtë postim nuk është për t’ju treguar jetën time apo detajet e shëndetit tim dhe hezitova për një kohë të gjatë para se të flasë. Po ju shkruaj këto rreshta, që t’ju dërgoj një mesazh të vetëm. Por një mesazh themelor për të gjitha gratë që do të më lexojnë: bëni mamografinë tuaj. Bëjeni çdo vit”, ka shkruar ajo krahas postimit në Instagram.