Ka përfunduar takimi mes Monika Kryemadhit dhe Lulzim Bashës në selinë e LSI-së ku u bë e ditur nga vetë kryetari i demokratëve përshkallëzimi i mëtejshëm i mosbindjes civile.
“Ndaj ne do të vazhdojmë aksionin tonë në të gjitha planet. Nesër nga ora 18.00 do të nisë aksioni në 12 qarqet e vendit për bllokimin e akseve kryesore si një përshkallëzim të mosbvindjes civile. Paradite në orën 11.00 do të shpalosim detyrat e qeverisë tranzitore për të garantuar zgjedhje të lira e të ndershme”, tha Basha në fjalën e tij pas takimit.
I pyetur nga gazetarët për një tryezë të mundshme nga Presidenti Meta, Basha tha se largimi i Edi Ramës është një kusht i panegociueshëm.
“Asgjë nuk ka ndryshuar në qëndrimin e opozitës së bashkuar dhe koalicionit tonë politik, koalicionit më të madh, maxhorancës së re politike, numerike të vendit. Largimi i Edi Ramës është kusht i panegociueshëm për t’i hapur rrugë dialogut politik”, tha ai.
