Gazment Bardhi ka reaguar menjëherë pas mbarimit të seancës plenare ditën e sotme, ku kryeparlamentarja Lindita Nikolla lexoi njoftimin se Bardhi nuk është më pjesë e PD, me vendim të kryesisë, pasi i ka mbaruar anëtarësia.
Pas kësaj, Bardhi akuzoi Nikollën për ndërhyrje në punët e brendshme të opozitës, ndërsa sulmoi edhe kryeministrin Rama si përgjegjës për prishjen e Reformës Zgjedhore.
“Marrja peng nga Edi Rama e Reformës Zgjedhore dhe rrëzimi i Komisioneve Hetimore të kërkuara nga opozita, si dhe ndërhyrja në kundërshtim me Rregulloren e Kuvendit e Kryetares së Kuvendit në punët e brendshme të grupit parlamentar të PD, përbën aktin më të pashembullt në historinë e pluralizmit politik që mbyll çdo hapësirë institucionale për opozitën në Parlament”, thuhet ne reagimin e Bardhit